പുതിയ വാഗണ്‍ ആര്‍ സ്റ്റിംഗ്രേ നമ്മെ മോഹിപ്പിക്കുന്ന ഡിസൈനില്‍; ചിത്രങ്ങള്‍ കാണാം
പേരിലും വാഗണ്‍ ആര്‍ കൂടാതെ കാണാനും വാഗണ്‍ ആറിനെ പോലെ. സൂക്ഷിച്ചു നോക്കിയാല്‍ വാഗണ്‍ ആറിനെക്കാള്‍ സുന്ദരനും. സുന്ദരന്‍ എന്ന് വെച്ചാല്‍ ഒരു തരം സ്‌പോര്‍ടി ലുക്കോട് കൂടിയ സുന്ദരന്‍ . ആളാരാണെന്ന് അറിയേണ്ടേ? നമ്മുടെ നിരത്തില്‍ ഇപ്പോള്‍ ഓടുന്ന വാഗണ്‍ ആറിന് സമാനമായ ഡിസൈനില്‍ ജപ്പാനില്‍ സുസൂക്കി വിറ്റഴിക്കുന്ന വാഹനമാണ് സ്റ്റിംഗ്രേ. വാഗണ്‍ ആറിനെക്കാള്‍ സ്‌പോര്‍ടി ഡിസൈനിലാണ് സ്റ്റിംഗ്രേ വരുന്നത്. ഈ മോഡല്‍ അടുത്ത് തന്നെ ഇന്ത്യയില്‍ എത്തും എന്നതാണ് പുതിയ വാര്‍ത്ത.
600 സിസി എന്‍ജിന്‍ ഘടിപ്പിച്ച ഈ വാഹനം ജപ്പാനിലെ നഗരങ്ങളില്‍ വലിയ സ്വീകാര്യത ലഭിച്ച കാറാണ്. പുതിയ വിശേഷം, ഈ വാഹനം ഇന്ത്യയിലേക്ക് അടുത്തു തന്നെ വരും എന്നതാണ്. വാഗണ്‍ ആറിന് സമാനമായ ഡിസൈനിലാണ് വാഹനം വരുന്നതെങ്കിലും രണ്ട് വണ്ടികളും തമ്മില്‍ വലിയ വ്യത്യാസങ്ങളുണ്ടെന്ന് ഒറ്റനോട്ടത്തില്‍ തന്നെ വ്യക്തമാകും. താരതമ്യേന ഇടുങ്ങിയ കണ്ണുകളാണ് സ്റ്റിംഗ്രേക്കുള്ളതെന്നു കാണാം. ഗ്രില്ലിലും വ്യത്യാസമുണ്ട്. റിയര്‍ ബംപറിന്റെ ഡിസൈനും വ്യത്യസ്തമാണ്.
ഇന്റീരിയറില്‍ വാഗണ്‍ ആറിനെക്കാള്‍ പ്രീമിയം നിലവാരത്തിലുള്ള സവിശേഷതകള്‍ ഇടം പിടിച്ചേക്കും. ഇന്ത്യയില്‍ 1 ലിറ്റര്‍ ശേഷിയുള്ള കെ സീരീസ് എന്‍ജിന്‍ ഘടിപ്പിച്ചായിരിക്കും വണ്ടി വരിക എന്ന് പ്രതീക്ഷിക്കാം. 67 കുതിരകളുടെ കരുത്തും 90 എന്‍എം ചക്രവീര്യവും ഈ എന്‍ജിന്‍ പകരുന്നുണ്ട്. വാഹനം അടുത്ത് തന്നെ ഇറങ്ങും എന്ന പ്രതീക്ഷയിലാണ് വാഹന പ്രേമികള്‍
No comments:
Post a Comment