ഇന്ത്യയിലെ മികച്ച അഞ്ച്‌ ഹാച്ച്‌ബാക്ക്‌ കാറുകള്‍
പ്രവര്‍ത്തന ക്ഷമത, ഉപഭോക്‌തക്കളുടെ സംതൃപ്‌തി, മൈലേജ്‌ തുടങ്ങിയ ഘടകങ്ങള്‍ മുന്‍നിര്‍ത്തി ഇന്ത്യയിലെ ഏറ്റവും മികച്ച അഞ്ചു ഹാച്ച്‌ബാക്ക്‌ മോഡലുകള്‍ ഞങ്ങള്‍ അവതരിപ്പിക്കുകയാണ്‌.
1, മാരുതി സുസുകി സ്വിഫ്‌റ്റ്‌(6 വേരിയന്റ്‌, വില-4.2 മുതല്‍ 6.3 ലക്ഷം വരെ)
നേട്ടം- മികച്ച എന്‍ജിന്‍, ആകര്‍ഷകമായ രൂപകല്‍പന, ജനപ്രിയം. ഇന്ത്യയില്‍ ഏറ്റവുമധികം വില്‍പനയുള്ള പ്രീമിയം ഹാച്ച്‌ബാക്ക്‌ മോഡലാണ്‌ സ്വിഫ്‌റ്റ്‌. 2011 ഓഗസ്‌റ്റില്‍ സ്വിഫ്‌റ്റ്‌ പരിഷ്‌ക്കരിച്ച്‌ പുറത്തിറക്കുമ്പോള്‍ 50000 ബുക്കിംഗാണ്‌ നടന്നത്‌. അത്‌ ഇന്ത്യന്‍ വിപണിയില്‍ സ്വിഫ്‌റ്റിനുള്ള സ്വാധീനത്തിന്‌ തെളിവാണ്‌.
കോട്ടം- കാത്തിരിപ്പ്‌. ഇന്ത്യയില്‍ പല സ്ഥലങ്ങളിലും സ്വിഫ്‌റ്റ്‌ ലഭിക്കണമെങ്കില്‍ ബുക്ക്‌ ചെയ്‌ത്‌ ഒരു വര്‍ഷമെങ്കില്‍ കഴിയണമെന്നതാണ്‌ ഇന്നത്തെ അവസ്ഥ.
അഭിപ്രായം- ഇന്ത്യയില്‍ വില്‍ക്കപ്പെടുന്ന ഏറ്റവും മികച്ച ഹാച്ച്‌ബാക്കാണ്‌ സ്വിഫ്‌റ്റ്‌. കാര്‍ വാങ്ങുന്നവരുടെ ബജറ്റ്‌ നാലു ലക്ഷത്തിനും ആറു ലക്ഷത്തിനും ഇടയിലാണെങ്കില്‍ സ്വിഫ്‌റ്റ്‌ വാങ്ങാനാണ്‌ ഈ രംഗത്തെ വിദഗ്‌ദ്ധര്‍ നിര്‍ദ്ദേശിക്കുന്നത്‌.
2, ഷെവര്‍ലെ ബീറ്റ്‌(9 വേരിയന്റുകള്‍, വില- 3.6 മുതല്‍ 5.5 ലക്ഷം വരെ)
നേട്ടം- ഡീസല്‍ വേരിയന്റില്‍ ചെറിയ കപ്പാസിറ്റി എന്‍ജിന്‍ ലഭ്യമാണ്‌. നല്‍കുന്ന കാശിന്‌ അതിലേറെ മൂല്യം നല്‍കുന്ന മറ്റൊരു ഹാച്ച്‌ബാക്ക്‌ ഇന്ത്യയിലില്ല. രൂപകല്‍പനയിലെ ആകര്‍ഷണീയതയും പ്രവര്‍ത്തനക്ഷമതയിലെ മികവും ബീറ്റിനെ ജനപ്രിയമാക്കുന്നു.
കോട്ടം- കുറഞ്ഞ ബൂട്ട്‌ സ്‌പേസ്‌, മുന്‍വശത്ത്‌ നല്ല രൂപകല്‍പനയാണെങ്കിലും പിന്‍ഭാഗം ഒട്ടും ആകര്‍ഷകമല്ല.
അഭിപ്രായം- യുവാക്കളുടെ കാറാണ്‌ ബീറ്റ്‌. പ്രവര്‍ത്തനമികവും ആകര്‍ഷകമായ രൂപകല്‍പനയും നല്‍കുന്ന കാശിന്‌ അതിനേക്കാള്‍ മൂല്യവും നല്‍കുന്നതിനാല്‍ പ്രീമിയം ഹാച്ച്‌ കാര്‍ വാങ്ങാന്‍ ആഗ്രഹിക്കുന്നവര്‍ക്ക്‌ മികച്ച ചോയ്‌സാണ്‌ ബീറ്റ്‌.
3, ഫോക്‌സ്‌വാഗണ്‍ പോളോ(7 വേരിയന്റുകള്‍, വില 4.5 മുതല്‍ 7.1 ലക്ഷം വരെ)
നേട്ടം- മികച്ച രൂപകല്‍പന, പ്രവര്‍ത്തന മികവ്‌, ഫോക്‌സ്‌വാഗണ്‍ എന്ന ബ്രാന്‍ഡിന്റെ പ്രൗഢി.
കോട്ടം- ഇതേ വിഭാഗത്തില്‍പ്പെട്ട മറ്റ്‌ കമ്പനികളുമായി താരതമ്യപ്പെടുത്തുമ്പോള്‍ പോളോയുടെ വില വളരെ കൂടുതലാണ്‌.
അഭിപ്രായം- വില കൂടുതലാണെങ്കിലും മികച്ച കാറാണ്‌ പോളോ. കേരളത്തില്‍ ഉള്‍പ്പടെ പോളോയുടെ വില്‍പന കൂടുന്നുണ്ട്‌.
4, ഹോണ്ട ബ്രയോ(4 വേരിയന്റുകള്‍, വില 3.9 മുതല്‍ 5.1 ലക്ഷം വരെ)
നേട്ടം- മികച്ച ഡിസൈന്‍, പ്രവര്‍ത്തനക്ഷമത, ഉയര്‍ന്ന കാബിന്‍ സ്‌പേസ്‌
കോട്ടം- പറയത്തക്ക കോട്ടം ഒന്നും ബ്രയോയ്‌ക്ക്‌ ഇല്ല. എന്നാലും ബീറ്റിനെ പോലെയുള്ള എതിരാളികളുമായി താരതമ്യപ്പെടുത്തുമ്പോള്‍ നല്‍കുന്ന കാശിന്‌ ഒത്ത മൂല്യം ലഭിക്കുന്നില്ലേ എന്നൊരു സംശയം.
അഭിപ്രായം- ബ്രയോ അത്ര ജനപ്രിയമല്ല. ഹോണ്ടയുടെ ഔട്ട്‌ലെറ്റുകള്‍ കുറവായതിനാലും ഒടുവിലെത്തിയ അതിഥി എന്ന നിലയില്‍ കാര്‍പ്രേമികള്‍ പരിചയിച്ചു വരുന്നതേയുള്ളു എന്നതിനാലുമാണ്‌ ബ്രയോ ജനപ്രിയമാകാത്തത്‌.
5, ഹ്യൂണ്ടായ്‌ സാന്‍ട്രോ(5 വേരിയന്റുകള്‍, വില- 2.8 ലക്ഷം മുതല്‍ 3.9 ലക്ഷം രൂപ വരെ)
ആദ്യ നാലു സ്ഥനങ്ങളിലെത്തിയത്‌ പ്രീമിയം ഹാച്ചുകളാണെങ്കില്‍ സാന്‍ട്രോ മിഡ്‌ ലെവല്‍ മോഡലാണ്‌. ഇന്ത്യയില്‍ ആള്‍ട്ടോ കഴിഞ്ഞാല്‍ ഏറ്റവമധികം വില്‍ക്കപ്പെടുന്ന മോഡലാണ്‌ ഹ്യൂണ്ടായ്‌ സാന്‍ട്രോ. സാന്‍ട്രോയുടെ ജനപ്രിയതയും ഉപഭോക്‌താക്കളുടെ സംതൃപ്‌തിയും കാരണമാണ്‌ ഈ ലിസ്‌റ്റില്‍ ഇതിനെക്കൂടി ഉള്‍പ്പെടുത്തുന്നത്‌.
നേട്ടം- മികച്ച എന്‍ജിന്‍, ഒതുങ്ങിയ രൂപകല്‍പന, ഭേദപ്പെട്ട പ്രവര്‍ത്തനക്ഷമത, സംതൃപ്‌തരായ ഉപഭോക്‌താക്കള്‍.
കോട്ടം- കമ്പനി അവകാശപ്പെടുന്ന ഇന്ധനക്ഷമത പലപ്പോഴും ലഭിക്കുന്നില്ലെന്ന പരാതിയുണ്ട്‌.
അഭിപ്രായം- മൂന്നു ലക്ഷത്തിനും നാലു ലക്ഷത്തിനുമിടയിലാണ്‌ ബജറ്റെങ്കില്‍ കണ്ണുമടച്ച്‌ സാന്‍ട്രോ വാങ്ങാം
.
No comments:
Post a Comment