വിദ്യയോ, അസിനോ, അനുഷ്‌കയോ? രജനിയുടെ നായികയാര്‌?
ചിത്രത്തില്‍ അഭിനയിക്കാന്‍ തനിക്ക്‌ താല്‍പര്യമുണ്ടെന്നും അനുഷ്‌ക്ക പറയുന്നു.
രണ്ടു നായികമാരുള്ള ചിത്രത്തില്‍ അസിനെയും അനുഷക്കയെയും നായികമാരായി നിശ്‌ചയിച്ചിരുന്നതായാണ്‌ വിവരം. പിന്നീട്‌ അനുഷ്‌ക്കയെ ഒഴിവാക്കി വിദ്യാ ബാലനെ ഉള്‍പ്പെടുത്തുകയായിരുന്നുവെന്നും സൂചനയുണ്ട്‌. തെന്നിന്ത്യന്‍ മാദക നടിയായിരുന്ന സില്‍ക്ക്‌ സ്‌മിതയുടെ ജീവിതകഥ പറഞ്ഞ ഡേര്‍ട്ടി പിക്‌ചര്‍ സൂപ്പര്‍ഹിറ്റായതോടെയാണ്‌ വിദ്യാബാലനെ ചിത്രത്തില്‍ അഭിനയിപ്പിക്കാന്‍ തീരുമാനിച്ചത്‌. ഇതുപ്രകാരം അണിയറപ്രവര്‍ത്തകര്‍ വിദ്യയുമായി സംസാരിക്കുകയും, ചിത്രത്തില്‍ അഭിനയിക്കാമെന്ന്‌ അവര്‍ സമ്മതിക്കുകയും ചെയ്‌തു. ഇതേത്തുടര്‍ന്ന്‌ അനുഷ്‌ക്കയെ ഒഴിവാക്കുകയായിരുന്നുവെന്ന്‌ അറിയുന്നു.
എന്നാല്‍ തന്നെ ചിത്രത്തില്‍ അഭിനയിപ്പിക്കാമെന്ന്‌ ഉറപ്പ്‌ നല്‍കിയ ശേഷം ഒഴിവാക്കുന്നത്‌ നീതികേടാണെന്നാണ്‌ അനുഷ്‌ക്കയുടെ പക്ഷം. അതേസമയം ചിത്രത്തില്‍ രജനിയുടെ സഹോദരി വേഷം സ്‌നേഹ ചെയ്യുമെന്ന്‌ ഉറപ്പായിട്ടുണ്ട്‌. എ ആര്‍ റഹ്‌മാനാണ്‌ ചിത്രത്തിന്‌ വേണ്ടി സംഗീതമൊരുക്കുക. ഇന്ത്യയില്‍ പെര്‍ഫോര്‍മന്‍സ്‌ ക്യാപ്‌ചര്‍ ടെക്‌നോളജി(പിസിടി) ഉപയോഗിച്ച്‌ ചിത്രീകരിക്കുന്ന ആദ്യ ചിത്രമെന്ന സവിശേഷതയും കൊച്ചടിയാനുണ്ട്‌
.
No comments:
Post a Comment