ആപ്പിള്‍ ഐപാഡ്‌ - 3 മാര്‍ച്ച്‌ ഏഴിന്‌ അവതരിപ്പിക്കും
നിലവിലുള്ള ഐപാഡുകളെ അപേക്ഷിച്ച്‌ ഉയര്‍ന്ന നിലവാരത്തിലുള്ള ഡിസ്‌പ്‌ളേയും വേഗതയാര്‍ന്ന പ്രോസസറും അതിവേഗ ഇന്റര്‍നെറ്റ്‌ കണക്‌ടിവിറ്റിയുമായിരിക്കും പുതിയ ഐപാഡിന്റെ സവിശേഷതകളെന്നാണ്‌ ഈ രംഗത്തെ വിദഗ്‌ദ്ധര്‍ പറയുന്നത്‌. എന്നാല്‍ ക്ഷണക്കത്ത്‌ നല്‍കിയെങ്കിലും ഐപാഡ്‌ - 3 പുറത്തിറക്കുന്നതിനെക്കുറിച്ചോ, അതിന്റെ സവിശേഷതകളെക്കുറിച്ചോ ആപ്പിള്‍ ഇതുവരെ ഔദ്യോഗികമായി പ്രതികരിച്ചിട്ടില്ല.
രണ്ടുവര്‍ഷം മുമ്പ്‌ ഐപാഡുമായി ടാബ്‌ലറ്റ്‌ വിപണിയിലെത്തിയ ആപ്പിള്‍ ഇതിനോടകം 55 മില്യണിലധികം യൂണിറ്റുകള്‍ വിറ്റിട്ടുണ്ട്‌ 34.5 ബില്യണ്‍ ഡോളറാണ്‌ ഈയിനത്തില്‍ ആപ്പിളിന്റെ വരുമാനം. ആപ്പിള്‍ ഐപാഡ്‌ പുറത്തിറക്കിയശേഷം സാംസങ്ങ്‌ ഗ്യാലക്‌സി ടാബ്‌, ആമസോണ്‍ കിന്‍ഡില്‍ ഫയര്‍, എച്ച്‌പി ടച്ച്‌പാഡ്‌ തുടങ്ങിയ എതിരാളികള്‍ രംഗത്തെത്തിയെങ്കിലും ഐപാഡിന്റെ മേല്‍ക്കോയ്‌മയെ വെല്ലുവിളിക്കാന്‍ ഇവയ്‌ക്ക്‌ സാധിച്ചിട്ടില്ല. ഈ സാഹചര്യത്തില്‍ ഐപാഡ്‌ - 3 കൂടി പുറത്തുവരുന്നതോടെ ടാബ്‌ലറ്റ്‌ വിപണിയില്‍ ആപ്പിളിന്റെ അധീശത്വം ചോദ്യചെയ്യപ്പെടാത്തതായി മാറും
No comments:
Post a Comment